მოხრილი მხრების და ზურგის კორექცია

მხრებში/ზურგში მოხრა – ერთერთი გავრცელებული პრობლემაა, თუმცა გამოსწორებადია თუ სწორად და სისტემურად მივუდგებით.

რა ვარჯიშები შეიძლება გავაკეთოთ მოხრილი ზურგის გასასწორებად?

პირველ რიგში – პრობლემის მიზეზი უნდა განვსაზღვროთ და სწორი პრინციპით მივუდგეთ მის გამოსწორებას. თქვენ წარმოიდგინეთ, მოხრილი ზურგი შეიძლება სერიოზულ მოვარჯიშეებსაც კი ჰქონდეთ, თუ მათ მკერდის კუნთები სპაზმირებული აქვთ, ხოლო ზურგის კუნთები ჰიპოტონუსშია.

პრობლემის გამოსასწორებლად საჭიროა ზურგის კუნთების ტონუსში მოყვანა, ხოლო მკერდის კუნთებიდან სპაზმის მოხსნა, რომ დგომის მანერა გამოსწორდეს. რეგულარული ვარჯიშით ეფექტი რამდენიმე თვეში მიიღწევა.

რა ვარჯიშების გაკეთება შეიძლება?

1. ბლოკის ჰორიზონტალურად მოზიდვა ტრენაჟორზე. ხელს უწყობს ბეჭების გასწორებას (აბრუნებს უკან). ვარჯიშში ერთვება შემდეგი კუნთები: ზურგის უგანიერესი, რომბისებური, უკანა დელტა, ტრაპეციული კუნთები.

2. ჰანტელების გაშლა დახრილ სკამზე – კარგი ვარჯიშია მკერდის კუნთების გასაწელად. აარჩიეთ მსუბუქი წონები, არაუმეტეს 3 კილოსი (ქალების შემთხვევაში).

3. კარგია როლიკზე ბეჭებით დაწოლა. თავიდან შეგიძლიათ როლიკის ნაცვლად უბრალოდ დახვეული პირსახოცი გამოიყენოთ. ეს ვარჯიში ადუნებს ტრაპეციული კუნთებში სპაზმს. დაწოლა უნდა გრძელდებოდეს დაახლოებით 5 წუთს. ხელისგულები დაბლა, ტერფები დაცილებულია, ფეხის დიდი თითები მიდებულია ერთმანეთზე. ადგომა გვერდით მხრიდან! გაითვალისწინეთ, როლიკზე პირველ დღეს ვარჯიშის გაკეთების შემდეგ, შეიძლება გტკიოდეთ ზურგი. ეს ვარჯიში არ გამოდგება მათთვის, ვისაც სქოლიოზი აქვს.

4. ასევე კარგია მკერდის კუნთზე ხელით ღრმა მასაჟის გაკეთება მკერდის შუა ნაწილიდან იღლიის მიმართულებით, 2-3 წუთი. ეს ასევე კარგად ადუნებს კუნთების ტონუსს.

5. და ბოლოს, კედელთან 5 წუთი დგომა: მიაბჯინეთ კედელს მხრები, თეძოები, წვივები, ტერფები. ასე კუნთები დაიმახსოვრებენ დგომის ახალ გასწორებულ მანერას.