ჯილიან მაიკლსის რჩევები, მათთვის ვისაც ფორმაში მოსვლა სურს

 

ჯილიან მაიკლსი (Jillian Michaels)

დაიბადა – 1974 წლის 18 თებერვალს

სიმაღლე – 159სმ

წონა – 53კგ

ჯილიანის სპორტით გატაცების მიზეზი ჭარბი წონა გახდა. ჯერ კიდევ თინეიჯერულ ასაკში, მას სერიოზული პრობლემები ჰქონდა სიმსუქნესთან დაკავშირებით. ერთ-ერთ შოუში, ამ ფაქტის დასადასტურებლად მან თავისი ძველი ფოტოგრაფიის დემონსტრირებაც კი მოაწყო. სიმაღლით დაბალი ჯილიანი 79 კილოს იწონიდა. დედის რჩევით ის საბრძოლო ხელოვნებით დაკავდა. გარდა იმისა, რომ ამის შედეგად მთლიანად დაიგდო ზედმეტი წონა და  გახდა  „შავი ქამრის“  მფლობელი, მას გაუჩნდა სურვილი დახმარებოდა სხვა ადამიანებს, შეეცვალათ თავისი ცხოვრება ფიტნესის საშუალებით – ჯილიანმა მწვრთნელის კარიერა დაიწყო.

ჯილიანი after and before

ჯილიანი არაერთი პოპულარული ფიტნეს პროგრამის და DVD-ს  ავტორია – Making the Cut: The 30-Day Diet and Fitness Plan; No More Trouble Zones Workout;  Fitness Ultimatum 2010 (2009) და სხვ. თავის პროგრამებში ის ძალოვანი ვარჯიშების კომპლექსს იყენებს, გარდა ამისა ჩართული აქვს კიკბოქსინგის, იოგის, პილატესის, პლიომეტრიკის ელემენტები.

ჯილიანი ლოს-ანჟელესში ცხოვრობს, სადაც მიჰყავს ყოველკვირეული ტოკ-შოუ რადიო KFI-ში. აქვს საკუთარი სტუდია ‘Empowered Media’. ის რამდენიმე წიგნის ავტორია, რომლებიც ბესტსელერებად იქცნენ.

ჯილიან მაიკლსმა ფართომასშტაბიანი პოპულარობა სატელევიზიო შოუს “The Biggest Loser”-ის საშუალებით მოიპოვა, სადაც ის ერთ-ერთი გუნდის მწვრთნელი გახლდათ.  შოუ განკუთვნილია ჭარბი წონის ადამიანებისათვის, რომლებიც მწვრთნელის ხელმძღვანელობით ასრულებენ სხვადასხვა ამოცანებს და იცავენ დიეტას, რითიც ცდილობენ რაც შეიძლება მეტი წონის დაგდებას. მონაწილე რომელიც დაიკლებს ყველაზე მეტ წონას, ჯილდოვდება 250.000 დოლარით. ის ავარჯიშებდა ხალხს ტელევიზორის ეკრანიდან და შოუს არაჩვეულებრივი წარმატება ჰქონდა.

„მე მსურს ადამიანებს მივცე საშუალება იპოვონ ბედნიერება ჯანმრთელი ცხოვრების წესის დახმარებით. როცა ვამბობ ჯანმრთელი წესი, არ ვგულისხმობ მხოლოდ დიეტას და ვარჯიშს – ეს მხოლოდ ხელსაწყოებია!“


ფორმის შესანარჩუნებლად ის კვირაში 3-4 ჯერ, მინიმუმ 30-40 წუთს ვარჯიშობს. მის ფიტნეს-რეპერტუარში საბრძოლო ხელოვნება, სირბილი, ძალოვანი ვარჯიშები და იოგა შედის. გარდა ამისა, როცა თავისუფალ დროს პოულობს, სეირნობს ცხენით ან თავისი საყვარელი მოტოციკლით.


ჯილიანს აქვს თავისი სისუსტეებიც – „მე მიყვარს ნაყინი და წითელი ღვინო, მაგრამ ამის უფლებას ძალიან იშვიათად ვაძლევ საკუთარ თავს!“



ჯილიან მაიკლსის რჩევები:

  1. ვარჯიში ეს  გაცილებით მეტია, ვიდრე თქვენი კუნთების ტონუსში მოყვანა. ის გიმაღლებთ თვითშეფასებას, გიუმჯობესებთ განწოყობას და აჩქარებს მეტაბოლიზმს.  მაშინ რატომ აქამდე არ ვარჯიშობთ?
  2. თუ სასწორი გაიყინა რომელიმე მაჩვენებელზე და მეტი აღარ იკლებთ წონაში, აამაღლეთ თქვენი ვარჯიშის ინტენსივობა. სასურველი შედეგის მისაღებად შეეცადეთ ივარჯიშოთ თქვენი პულსის მაქსიმალური მაჩვენებლის 85%-ზე.
  3. მოგბეზრდათ ვარჯიშის ერთფეროვნება? ე.ი. დროა შეცვალოთ ისინი. ხოლო თუ გინდათ გააგრძელოთ წონაში კლება, შეცვალეთ ისინი უფრო ინტენსიური ვარჯიშებით.
  4. თქვენი სამოსი და მოწყობილობა აუცილებლად მაღალი დონის უნდა იყოს! ეს წესი არამარტო სასურველი შედეგის მალე მიღწევაში დაგეხმარებათ, არამედ ტრავმებსაც აგაცილებთ თავიდან. არ დაინანოთ დრო და ფინანსები კარგი ფორმის შესაძენად. ეს ყველაფერთან ერთად განწყობასაც აგიმაღლებთ.
  5. არ ივარჯიშოთ მშიერ კუჭზე! მცირედ წაიხემსეთ, ეს მოგცემთ დამატებით ძალებს, გარდა ამისა ორგანიზმი დაწვავს ზედმეტ ცხიმს და არა კუნთებს!
  6. არ გადაამეტოთ თქვენს შესაძლებლობებს! ვარჯიშის დაწყების წინ ჯობია ექიმთან გაიაროთ კონსულტაცია! ივარჯიშეთ თქვენი შესაძლებლობების შესაბამისად: დამწყები, საშუალო, პროფი. თქვენი აქტიურობა პულსის მაქსიმალური დასაშვები ზღვარის 70% უნდა იყოს. რამდენიმე კვირის შემდეგ თქვენ მოძლიერდებით და შეძლებთ უფრო მაღალ დონეზე გადასვლას უკეთესი შედეგის მისაღებად.
  7. ყველას გვსურს ვარჯიშით სწრაფი შედეგის მიღება. ამაში წრიული ვარჯიშის პრინციპი დაგვეხმარება – ძალოვანი+კარდიო, შესვენების გარეშე, ასევე კომბინირებული მაღალინტენსიური ვარჯიშები. მაგ: აზიდვები შემდგომი ახტომით. ასეთი ვარჯიშები მეტ კალორიას წვავენ, ვიდრე ჩვეულებრივი აერობიკა და თან კუნთების ძალას ზრდიან.
  8. ამტანობის გასაზრდელად სცადეთ ინტერვალიანი კარდიო ვარჯიშები. ისინი გვეხმარებიან სწრაფად დავწვათ ცხიმი და თან შევინარჩუნოთ კუნთოვანი მასა.
  9. სწორი მუცლის მისაღებად თავისი ლამაზად გამოკვეთილი პრესის კუნთებით, არაა საჭირო ყოველდღე 30 წუთიანი პრესის ვარჯიშების კეთება! ამის საუკეთესო საშუალებაა – ზედმეტი ცხიმის დაწვა და სწორი კვების დაცვა!
  10. როცა კარდიო ტრენაჟორებზე ვარჯიშობთ, ნუ მოკიდებთ ხელს სახელურებს! ეს კალორიების წვას 24%-ით ამცირებს. გამონაკლისს ის ტრენაჟორები შეადგენენ რომელთაც აქვთ სპეციალური დინამიკური სახელურები კალორიების მეტის წვისათვის.
  11. ზოგიერთი ადამიანები გენეტიკურად მიდრეკილები არიან სიმსუქნისაკენ, მაგრამ ეს განაჩენი არაა! მე თავად ასეთ რიცხვს მივეკუთვნები, მაგრამ მე ვპოულობ საკუთარ თავში ძალას ვმართო ჩემი წონა. ცუდი ჩვევები უპირველეს ყოვლისა ღრმა ემოციური პრობლემების სიმპტომების შედეგს წარმოადგენენ.
  12. მე არ მჯერა სიზარმაცის. მე ვფიქრობ სიმსუქნე – ეს უფრო რაღაც სერიოზულის სიმპტომია. თუ მხოლოდ 2-5 კილო გაქვთ ზედმეტი, მაშინ ეს შეიძლება სიზარმაცეს დავაბრალოთ. მაგრამ თუ 10 კილოა ზედმეტი, მაშინ უნდა სხვა მიზეზები ვეძებოთ.

კომენტარის დატოვება

თქვენი ელფოსტის მისამართი გამოქვეყნებული არ იყო.